In coena Domini, MH 276

Responsorio per coro e organo

Musica: Michael Haydn (1737 - 1806)
In Nocturno primo

1. In monte oliveti - Moderato assai
2. Tristis est anima mea - Adagio. Moderato assai
3. Ecce vidimus eum - Adagio. Moderato assai

In Nocturno secundo

1. Amicus meus - Moderato
2. Judas mercator pessimus - Moderato assai
3. Unus ex discipulis meis - Moderato

In Nocturno tertio

1. Eram quasi agnus innocens - Moderato assai
2. Una hora - Moderato
3. Seniores populi - Moderato assai

Organico: coro misto, organo
Composizione: 4 aprile 1778

---

In Nocturno primo:

In monte Oliveti
In monte Oliveti oravit ad Patrem:
Pater, si fieri potest, transeat a me calix iste:
Spiritus quidem promptus est, caro autem infirma. Fiat voluntas tua.

Vigilate, et orate, ut non intretis in tentationem.
Spiritus quidem promptus est, caro autem infirma. Fiat voluntas tua.

Tristis est anima
Tristis est anima mea usque ad mortem:
sustinete hic, et vigilate mecum:
nunc videbitis turbam, quæ circumdabit me:
Vos fugam capietis, et ego vadam immolari pro vobis.

Ecce appropinquat hora, et Filius hominis
tradetur in manus peccatorum.
Vos fugam capietis, et ego vadam immolari pro vobis.

Ecce vidimus eum
Ecce vidimus eum non habentem speciem, neque decorem:
aspectus ejus in eo non est:
hic peccata nostra portavit, et pro nobis dolet:
ipse autem vulneratus est propter iniquitates nostras:
Cujus livore sanati sumus.

Vere languores nostros ipse tulit,
et dolores nostros ipse portavit.
Cujus livore sanati sumus.

In Nocturno secundo:

Amicus meus osculi
Amicus meus osculi me tradidit signo:
Quem osculatus fuero, ipse est, tenete eu
: hoc malum fecit signum, qui per osculum adimplevit homicidium.
Infelix prætermisit pretium sanguinis, et in fine laqueo se suspendit.

Bonum erat ei, si natus non fuisset homo ille.
Infelix prætermisit pretium sanguinis, et in fine laqueo se suspendit.

Judas mercator pessimus
Judas mercator pessimus osculo petit Dominum:
ille ut agnus innocens non negavit Judæ osculum:
Denariorum numero Christum Judæis tradidit.

Melius illi erat, si natus non fuisset.
Denariorum numero Christum Judæis tradidit.

Unus ex discipulis meis
Unus ex discipulis meis tradet me hodie:
Væ illi per quem tradar ego:
Melius illi erat, si natus non fuisset.

Qui intingit mecum manum in paropside,
hic me traditurus est in manus peccatorum.
Melius illi erat, si natus non fuisset.
Unus ex discipulis meis tradet me hodie

In Nocturno tertio:

Eram quasi agnus innocens
Eram quasi agnus innocens:
ductus sum ad immolandum, et nesciebam:
consilium fecerunt inimici mei adversum me, dicentes:
Venite, mittamus lignum in panem ejus,
et eradamus eum de terra viventium.

Omnes inimici mei adversum me cogitabant mala mihi:
verbum iniquum mandaverunt adversum me, dicentes.
Venite, mittamus lignum in panem ejus

Una hora
Una hora non potuistis vigilare mecum,
qui exhortabamini mori pro me?
Vel Judam non videtis, quomodo non dormit,
sed festinat tradere me Judæis?

Quid dormitis? Surgite, et orate,
ne intretis in tentationem.
Vel Judam non videtis, quomodo non dormit,
sed festinat tradere me Judæis?

Seniores populi
Seniores populi consilium fecerunt,
Ut Jesum dolo tenerent, et occiderent:
cum gladiis et fustibus exierunt tamquam ad latronem.

Collegerunt pontifices et pharisæi concilium.
Ut Jesum dolo tenerent, et occiderent:
cum gladiis et fustibus exierunt tamquam ad latronem.
Seniores populi consilium fecerunt




Ultimo aggiornamento 23 settembre 2025